Vieiros

'CCOOnéctate' é un proxecto de difusión da Confederación Sindical de CCOO cuxo obxectivo principal é difundir entre as traballadoras e os traballadores -especialmente das PEMEs-as posibilidades de acceso á formación profesional continuada e aos cambios que se van producir co novo modelo de formación para o emprego.

Este novo modelo avanza na integración da tradicional formación ocupacional para desempregados e da formación continuada para activos nun único sistema de formación que se chama 'para o emprego' ou 'permanente'. Boa parte desta formación debe desenvolverse no marco do Sistema Nacional de Cualificacións, que establece sistemas de acreditación da competencia dos traballadores.

Comisións Obreiras aposta polo novo modelo, como xa apostara polo anterior sistema, e comprométese a dar en todos os seus plans unha porcentaxe crecente de formación que poida ser, no futuro, acreditable como unidades de competencia.

Participantes

No acto inaugural da xornada intervirán o secretario xeral do Sindicato Nacional de Comisións Obreiras de Galicia, Xan María Castro Paz, e o director xeral de Formación e Colocación, Pastor Fuenteseca Díaz. No evento tamén participarán Gregorio Marchán Redondo (secretario confederal de Formación), Gema Torres Sastre (da Secretaría Confederal de Formación), Marisa Mallo Fernández (directora de INCUAL Galicia), José Domingo Barros Montáns (secretario de Formación e Emprego de UGT-Galicia), Francisco Javier Montero Dongil (secretario de Formación), Luís 'Koldo' Madariaga (director de FOREM Galicia) e un representante da Confederación de Empresarios de Galicia.