Vieiros

Aquel que queira comprar unha vivenda en Galiza non atopará hoxe prezos moito máis baratos que os que tiñamos hai un ano. En 2009, a cotización dos inmóbeis reduciuse tan só un 1,5%, moi por debaixo do 4,3% que se abarataron no Estado Español. Así o revelan os datos do Índice de Prezos de Vivenda (IPV), publicados este martes polo Instituto nacional de Estatística (INE).

Mentres no Estado Español se está a apreciar unha desaceleración no descenso dos prezos, en Galiza o descenso rexistrado no terceiro trimestre (2%) demostra que a tendencia aínda é de baixada (o dato é menor que o dos meses entre xullo e setembro).

Pola contra, o prezo da vivenda nova diminuíu no Estado o 5,1% ao peche de 2009, co que modera a súa tendencia á baixa por primeira vez desde o primeiro trimestre de 2007, en tanto que a vivenda usada abaratouse o 3,5 por cento, case cinco puntos menos que nos tres meses anteriores (-8,3%)

• Índice de Prezos da Vivenda (IPV)- Terceiro trimestre 2009 (Fonte: INE)