Vieiros

Aos 82 anos e por mor dunha pulmonía desatada polo contaxio da gripe A, faleceu este martes en Bos Aires o médico galeguista Antón Pérez Prado. Fillo de galegos orixinarios da Terra Chá, estudou medicina en Arxentina á volta dun periplo por EUA, onde traballou como obreiro do metal.

A finais dos anos 50, Pérez Prado entra en contacto coa colonia galega e recupera os lazos coa Galiza de seus pais da man de intelectuais como Luis Seoane. En 1973 publica un clásico da literatura da emigración: “Los Gallegos y Buenos Aires”.

Os seus restos, velados no Tanatorio de Carlos Calvo 1874, foron enterrados no Panteón do Centro Galego. No sepelio estiveron presentes directivos da Federación de Sociedades Galegas.

• Lembranza  aceda de Pérez Prado no blog La Mano que Aprieta