Vieiros

En Cambados, o PP conserva a maioría absoluta pola mínima, con 9 edís, fronte aos 5 do PSdeG-PSOE e os 3 do BNG. No Grove, seis partidos acadan representación: O PP vence (7), seguido dos socialistas (4), BNG (3), e cadanseu concelleiro para A Meca, Partido Galeguista e Esquerda Unida. En Vilanova, o PP mantén a súa avultada maioría absoluta (11) fronte a 3 representantes do PSdeG e do BNG.

Os socialistas acadan a maioría absoluta na Illa, con 6 edís, contra 4 do Partido Popular máis un do BNG. En Sanxenxo, o PP conserva a maioría absoluta que tivera Telmo Martín: acada 9 concelleiros, A primeira forza da oposición é o BNG, con 4, seguido do PSdeG-PSOE, con 3, e VIPS, con 1. Catoira tamén mantén a maioría absoluta socialista: 6 edís, máis 4 do BNG e só 1 do PP.