O plan de saneamento proxecta que a ría viguesa estea limpa en 2011
Unha década despois dos primeiros avisos de Bruxelas, á fin hai na mesa un plan concreto para limpar a ría de Vigo. A millonaria multa con que ameazaba a administración europea axilizou os trámites da Xunta e, o mes de marzo, a UE poderá estudar o plan avanzado este luns polo goberno. Segundo explicou o conselleiro de Medio Ambiente, Manuel Vázquez, será necesario un investimento total de 209 millóns de euros, incluíndo a obra clave: a nova depuradora en Lagares, que vai custar 180 millóns.
A obra da depuradora, que ocupará os predios onde xa está a actual, non comezará até 2008, e a administración fixouse como prazo para finalizar a construción finais de 2010 ou, como moi tarde, mediados de 2011. Na presentación do proxecto, o conselleiro criticou a lentitude de resposta do goberno anterior, lembrando que hai case dez anos que a UE avisara dos problemas de saneamento da ría viguesa.
A Xunta confía en que o problema ambiental no contorno da ría desapareza na altura de 2011, unha vez que estea en funcionamento a depuradora principal. Ademais, outras dúas ducias de actuacións serán necesarias, incluíndo novos puntos de depuración de augas en baiona, Cangas, Redondela e Soutomaior.
Ligazóns
- Narbona garante o 60% do custo da depuradora e a Xunta cavila en multar o concello vigués
- A UE ponlle prazo á Xunta para un novo plan contra a contaminación da ría de Vi
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto